Уйда ~ беҳудага ИТ боқиш ҳар куни "УҲУД" тоғи миқдорича савоблардан маҳрум этади! (Маъмуржон домла)

ҲОЖАТСИЗ ИТ БОҚИШ !Бисмиллаҳир роҳманир роҳийм.Ҳазрати пайғамбар саллаллоҳу алайҳи вассалом таъқиқлаган нарсалардан бири: зарурат бўлмай туриб ит боқишликдир. Бугун баъзи бир исрофчиларни кўриб турибмизки, моддий имконларидан бошқа кишиларни маҳрум қолдирган ҳолда ит боқмокдалар. Баъзилари эса бутун бойликларини сарфлаганликлари етмаганидек яқинлари, дўстлари, кўшниларига кўрсатишлари керак бўлган бутун марҳамат ва шафқат ҳисларини ҳам фақат итларига кўрсатмокдалар ва бу билан атрофдаги кишиларни ранжитмоқдалар.Абу Ҳурайра розияллоҳу анҳудан ривоят қилинади.«Набий соллаллоҳу алайҳи васаллам:«Ким чорва, ов ёки зироат итидан бош-қа ит тутса, унинг ажридан ҳар куни бир қийрот ноқис бўлур», дедилар». Термизий ва икки шайх ривоятида:«Унинг ажридан ҳар куни икки қийрот ноқис бўлур», дейилган.Шарҳ: Ушбу ҳадиси шарифдан очиқ-ойдин кўриниб турибдики, Исломда ит боқишга учта сабаб туфайли рухсат берилган; 1. Ов учун ит боқса бўлади. 2. Экинзорларни қўриш учун, зироат ити боқса бўлади. 2. Қўй ва бошқа ҳайвонларни қўриш учун чорва ити боқса бўлади. Умиймироқ қилиб айтсак, қўриқчи итларни боқса бўлади. Ҳозирги пайтларда баъзи из қувиш ёки нарсаларни ҳидлаб билиш учун ишлатилаётган итлар ҳам қўриқчилик учун ушлаб туриладиган итлар қаторига киради.Бошқа мақсадларга ит ушлаб туриш шариатга хилоф саналади. Чунки ит нажас нарса. Ялаган, ҳидлаган нарсаларини ҳам нажасга айлантиради. У нажас нарсаларни егани учун оғзида ўта заҳарли микроблар кўп бўлади. Мусулмон киши уйида ит сақлагани такдирда итнинг эшик ва остоналарни ялаши билан улар ифлос ҳолга келиш эҳтимоли бор. Расулуллоҳ саллаллоҳу алайҳи вассалом марҳамат қилурларки:--- "Агар сизлардан бирингизни идишингизни ит яласа, у идишни бир марта тупроқ билан қатрон-ишқалаш шарти ила етти марта ювсин". (Бухорий)Бунинг устига ит вақти-бемаҳал ҳуриб кишиларни безовта қилади, озор беради. Бўшалиб кетган итлар эса, кишиларни қопиб олиши, турли жароҳатларга, касалликларга ва ҳатто қутириб кетишга сабаб бўлиши мумкин. Шу маънода турли жамиятларда тез-тез итларни қириб ташлаш ишлари ҳам олиб бориб турилиши бунинг исботидир. Шариатда кўрсатилган мақсадлардан бошқа яна қандоқ мақсадда ит боқилишига назар солиб кўрайлик. Ўшандай ишлардан бири ит уриштирувчи қиморбозларнинг ит боқишидир. Бу нафақат инсоният учун, балки ит учун ҳам ор, уят-номус иш эмасми? Яна баъзи бир халқларда фарзанд қилишдан қочганларнинг ит боқиши ҳам бор. Фарзанд қилса ташвиш кўп, деб ўйлашади. Аммо инсон ўлароқ табиатларида меҳр-шафқат кўрсатиш истаги бор. Нима қилишини билмай ит боқади. Итга фарзандга қилган муомалаларни қилишади. Ювиб-тарашади. Қучоқлаб ўпишади. Кўтариб юриб, бирга олиб ётишади. Қўйинкги, фарзандга қилиниши керак бўлган эҳтимом ва эътибордан ҳам кўпроқ нарсаларни қилишади. Ҳатто ити ўлиб қолса, дабдаба билан кўмиб, қабрига ёдгорлик ўрнатганлари ҳам бор. Баъзи уламолар ит боқишни таъқиқлашнинг ҳикмати ҳақида шундай дейдилар: --- "Ит эшикдан кирган меҳмонга ҳуради, тиланчи-гадони қўрқитади ва ўтган кетган йўловчиларнинг оромини бузади...Пайғамбаримиз саллаллоҳу алайҳи вассалом шундай дейдилар: "Жаброил алайҳис салом менинг ҳузуримга келиб дедики: "Кеча уйингизга келдим. Аммо эшикда ҳайкаллар, уйда ҳайкал тасвири туширилган бир мато ва ит борлиги учун ичкарига кира олмадим. Ҳайкаллар дарахтга ўхшаб қолиши учун боши кесилишини, матонинг ёстиқ қилиб иккига бўлинишини ва итнинг уйдан чиқариб юборилишини буюрди". (Насоий).Бу таъқиқ ҳукми эҳтиёж бўлмай туриб боқилган итга тегишлидир.Шайх Муҳаммад Содиқ (ҳафизаҳуллоҳ)Шайх Юсуф Қарзовий (раҳимаҳуллоҳ)ok.ru/qalbimizda

Rahmat Olloh rozi bulsin ilmingiz ziyoda bulsin!

Bula qati domlalari

Adashmasam Kazakistan maruzalarida Chimkent joylarini aytganini eshitganman

Be nomoz er it boqsa namozhon hotinn ham savobi ketarmikan a. Ahiran ermga itni yuqoting deganim bn yuqotmyopti.